dilli kahan gain tere kuchon ki raunaqen
galiyon se sar jhuka ke guzarne laga hun main

Jaan Nisar Akhtar

---

---

janab-e-'kaif' ye dilli hai 'mir' o 'ghaalib' ki
yahan kisi ki taraf-dariyan nahin chaltin

Kaif Bhopali

---

---

chehre pe sare shahr ke gard-e-malal hai
jo dil ka haal hai wahi dilli ka haal hai

Malikzada Manzoor Ahmad

---

---

amir-zadon se dilli ke mil na ta-maqdur
ki hum faqir hue hain inhin ki daulat se

Mir Taqi Mir

---

---

dilli ke na the kuche auraq-e-musawwar the
jo shakl nazar aai taswir nazar aai

Mir Taqi Mir

---

---

dilli mein aaj bhik bhi milti nahin unhen
tha kal talak dimagh jinhen taj-o-taKHt ka

Mir Taqi Mir

---

---

marsiye dil ke kai kah ke diye logon ko
shahr-e-dilli mein hai sab pas nishani us ki

Mir Taqi Mir

---

---