agar fursat mile pani ki tahriron ko paDh lena
har ek dariya hazaron sal ka afsana likhta hai

Bashir Badr

---

---

chand bhi hairan dariya bhi pareshani mein hai
aks kis ka hai ki itni raushni pani mein hai

Farhat Ehsas

---

---

do dariya bhi jab aapas mein milte hain
donon apni apni pyas bujhate hain

Farigh Bukhari

---

---

safar mein koi kisi ke liye Thaharta nahin
na muD ke dekha kabhi sahilon ko dariya ne

Farigh Bukhari

---

---

and ho jata hai kuze mein kabhi dariya bhi
aur kabhi qatra samundar mein badal jata hai

Faryad Aazar

---

---

apne siwa nahin hai koi apna aashna
dariya ki tarah aap hain apne kanar mein

Goya Faqir Mohammad

---

---

ek dariya par kar ke aa gaya hun us ke pas
ek sahra ke siwa ab darmiyan koi nahin

Hasan Nayeem

---

---