andheri raat ko main roz-e-ishq samjha tha
charagh tu ne jalaya to dil bujha mera

Abdul Rahman Ehsan Dehlvi

---

---

kahin koi charagh jalta hai
kuchh na kuchh raushni rahegi abhi

Abrar Ahmad

---

---

mujid jo nur ka hai wo mera charagh hai
parwana hun main anjuman-e-kaenat ka

Agha Hajju Sharaf

---

---

abhi to jag rahe hain charagh rahon ke
abhi hai dur sahar thoDi dur sath chalo

Ahmad Faraz

---

---

agarche zor hawaon ne Dal rakkha hai
magar charagh ne lau ko sambhaal rakkha hai

Ahmad Faraz

---

---

kaun taqon pe raha kaun sar-e-rahguzar
shahr ke sare charaghon ko hawa jaanti hai

Ahmad Faraz

---

---

charagh us ne bujha bhi diya jala bhi diya
ye meri qabr pe manzar naya dikha bhi diya

Bashiruddin Ahmad Dehlvi

---

---