shab-e-visal hai gul kar do in charaghon ko
KHushi ki bazm mein kya kaam jalne walon ka

Dagh Dehlvi

---

---

KHak se sainkaDon uge KHurshid
hai andhera magar charag-tale

Ehsan Danish

---

---

shahr ke andhere ko ek charagh kafi hai
sau charagh jalte hain ek charagh jalne se

Ehtisham Akhtar

---

---

sitar-e-KHwab se bhi baDh kar ye kaun be-mehr hai ki jis ne
charagh aur aaine ko apne wajud ka raaz-dan kiya hai

Ghulam Husain Sajid

---

---

apni taswir ke ek ruKH ko nihan rakhta hai
ye charagh apna dhuan jaane kahan rakhta hai

Ghulam Murtaza Rahi

---

---

ek charagh aur ek kitab aur ek ummid asasa
us ke baad to jo kuchh hai wo sab afsana hai

Iftikhar Arif

---

---

aat ko jit to pata nahin lekin ye charagh
kam se kam raat ka nuqsan bahut karta hai

Irfan Siddiqi

---

---