dur ke chand ko DhunDo na kisi aanchal mein
ye ujala nahin aangan mein samane wala

Nida Fazli

---

---

falak pe chand sitare nikalne hain har shab
sitam yahi hai nikalta nahin hamara chand

Pandit Jawahar Nath Saqi

---

---

itne ghane baadal ke pichhe
kitna tanha hoga chand

Parveen Shakir

---

---

mujhe ye zid hai kabhi chand ko asir karun
so ab ke jhil mein ek daera banana hai

Shahbaz Khwaja

---

---

chand se tujh ko jo de nisbat so be-insaf hai
chand ke munh par hain chhain tera mukhDa saf hai

Shaikh Zahuruddin Hatim

---

---

ham-safar ho to koi apna-sa
chand ke sath chaloge kab tak

Shohrat Bukhari

---

---

ek chand hai aawara-o-betab o falak-tab
ek chand hai aasudgi-e-hijr ka mara

Syed Amin Ashraf

---

---