بندگی ہم نے چھوڑ دی ہے فرازؔ
کیا کریں لوگ جب خدا ہو جائیں

احمد فراز

---

---

دوستی بندگی وفا و خلوص
ہم یہ شمع جلانا بھول گئے

انجم لدھیانوی

---

---

عاشقی سے ملے گا اے زاہد
بندگی سے خدا نہیں ملتا

in romance, does God abound
O priest in piety not found

داغؔ دہلوی

---

---

دل ہے قدموں پر کسی کے سر جھکا ہو یا نہ ہو
بندگی تو اپنی فطرت ہے خدا ہو یا نہ ہو

جگر مراد آبادی

---

---

یہی ہے زندگی اپنی یہی ہے بندگی اپنی
کہ ان کا نام آیا اور گردن جھک گئی اپنی

ماہر القادری

---

---

قبول ہو کہ نہ ہو سجدہ و سلام اپنا
تمہارے بندے ہیں ہم بندگی ہے کام اپنا

مبارک عظیم آبادی

---

---

رہنے دے اپنی بندگی زاہد
بے محبت خدا نہیں ملتا

مبارک عظیم آبادی

---

---