lutf-e-bahaar kuchh nahin go hai wahi bahaar
dil hi ujaD gaya ki zamana ujaD gaya

Aziz Lakhnavi

---

---

taDap ke rah gai bulbul qafas mein ai sayyaad
ye kya kaha ki abhi tak bahaar baqi hai

Betab Azimabadi

---

---

tinkon se khelte hi rahe aashiyan mein hum
aaya bhi aur gaya bhi zamana bahaar ka

Fani Badayuni

---

---

shagufta bagh-e-suKHan hai hamin se ai 'sabir'
jahan mein misl-e-nasim-e-bahaar hum bhi hain

Fazal Husain Sabir

---

---

apne daman mein ek tar nahin
aur sari bahaar baqi hai

Habeeb Ahmad Siddiqui

---

---

mujh ko ehsas-e-rang-o-bu na hua
yun bhi akasr bahaar aai hai

Habeeb Ahmad Siddiqui

---

---

gulon ka daur hai bulbul maze bahaar mein luT
KHizan machaegi aate hi is dayar mein luT

Habeeb Musvi

---

---