chhup gae wo saz-e-hasti chheD kar
ab to bas aawaz hi aawaz hai

Asrar-ul-Haq Majaz

---

---

meri ye aarzu hai waqt-e-marg
us ki aawaz kan mein aawe

Ghamgeen Dehlvi

---

---

teri aawaz ko is shahr ki lahren tarasti hain
ghalat number milata hun to pahron baat hoti hai

Ghulam Mohammad Qasir

---

---

koi aaya teri jhalak dekhi
koi bola suni teri aawaz

Josh Malihabadi

---

---

main us ko kho ke bhi us ko pukarti hi rahi
ki sara rabt to aawaz ke safar ka tha

Mansoora Ahmad

---

---

tafriq husn-o-ishq ke andaz mein na ho
lafzon mein farq ho magar aawaz mein na ho

Manzar Lakhnavi

---

---

main jo bola kaha ki ye aawaz
usi KHana-KHarab ki si hai

Mir Taqi Mir

---

---