mehrab-e-abruwan kun wasma hua hai zewar
kyun kar kahen na un kun ab zinatul-masajid

Abroo Shah Mubarak

---

---

mil gain aapas mein do nazren ek aalam ho gaya
jo ki hona tha so kuchh ankhiyon mein baham ho gaya

Abroo Shah Mubarak

---

---

mil gaya tha bagh mein mashuq ek nak-dar sa
rang o ru mein phul ki manind saj mein KHar sa

Abroo Shah Mubarak

---

---

muflisi sin ab zamane ka raha kuchh haal nain
aasman charKHi ke jun phirta hai lekin mal nain

Abroo Shah Mubarak

---

---

namkin goya kabab hain phike sharab ke
bosa hai tujh laban ka maze-dar chaTpaTa

Abroo Shah Mubarak

---

---

phirte the dasht dasht diwane kidhar gae
we aashiqi ke hae zamane kidhar gae

Abroo Shah Mubarak

---

---

qad sarw chashm nargis ruKH gul dahan ghuncha
karta hun dekh tum kun sair-e-chaman mamola

Abroo Shah Mubarak

---

---