teri aan pe ghash hun har aan zalim
tu ek aan lekin na yan aan nikla

Abdul Rahman Ehsan Dehlvi

---

---

to bhi us tak hai rasai mujhe ehsan dushwar
dam lun gar par-e-jibril bara-e-parwaz

Abdul Rahman Ehsan Dehlvi

---

---

ulfat mein tera rona 'ehsan' bahut baja hai
har waqt meinh ka hona ye rahmat-e-KHuda hai

Abdul Rahman Ehsan Dehlvi

---

---

us lab-e-baam se ai sarsar-e-furqat tu bata
misl tinke ke mera ye tan-e-laghar phenka

Abdul Rahman Ehsan Dehlvi

---

---

wo aag lagi pan chabae se kasu ki
ab tak nahin bujhti hai bujhae se kasu ki

Abdul Rahman Ehsan Dehlvi

---

---

yaad to haq ki tujhe yaad hai par yaad rahe
yar dushwar hai wo yaad jo hai yaad ka haq

Abdul Rahman Ehsan Dehlvi

---

---

yara hai kahan itna ki us yar ko yaro
main ye kahun ai yar hai tu yar hamara

Abdul Rahman Ehsan Dehlvi

---

---