kuchh tumhein tars-e-KHuda bhi hai KHuda ki waste
le chalo mujh ko musalmano usi kafir ke pas

Abdul Rahman Ehsan Dehlvi

---

---

kyun na ruk ruk ke aae dam mera
tujh ko dekha ruka ruka main ne

Abdul Rahman Ehsan Dehlvi

---

---

kyun tu rota hai dila aane de roz-e-wasl ko
is qadar chheDunga un ko wo bhi ro kar jaenge

Abdul Rahman Ehsan Dehlvi

---

---

kyunkar na mai piyun main quran ko dekh zahid
wahan washrabu hai aaya la-tashrabu na aaya

Abdul Rahman Ehsan Dehlvi

---

---

mai-kade mein ishq ke kuchh sarsari jaana nahin
kasa-e-sar ko yahan gardish hai paimane ki tarah

Abdul Rahman Ehsan Dehlvi

---

---

maze ki baat to ye hai ki be-maza hai wo dil
tumhaari be-mazagi ka jise maza na lage

Abdul Rahman Ehsan Dehlvi

---

---

meri baat-chit us se 'ehsan' kahan hai
na us ka dahan hai na meri zaban hai

Abdul Rahman Ehsan Dehlvi

---

---