ghuncha ko main ne chuma laya dahan ko aage
bosa na mujh ko dewe wo nukta-yab kyunka

Abdul Rahman Ehsan Dehlvi

---

---

itwar ko aana tera malum ki ek umr
be-pir tere hum ne hi atwar ko dekha

Abdul Rahman Ehsan Dehlvi

---

---

jaan-kani pesha ho jis ka wo lahak hai tera
tujh pe shirin hai na 'KHusraw' ka na farhad ka haq

Abdul Rahman Ehsan Dehlvi

---

---

jo puchha main ne dil zulfon mein juDe mein kahan bandha
kaha jab chor tha apna jahan bandha wahan bandha

Abdul Rahman Ehsan Dehlvi

---

---

kaun sani shahr mein is mere mah-pare ki hai
chand si surat dupaTTa sar pe yak-tare ka hai

Abdul Rahman Ehsan Dehlvi

---

---

KHak aab-e-girya se aatish bujhe na-chaar hum
jaanib-e-ku-e-butan jun baad-e-sarsar jaenge

Abdul Rahman Ehsan Dehlvi

---

---

kis ko us ka gham ho jis dam gham se wo zari kare
han magar tera hi gham aashiq ki gham-KHwari kare

Abdul Rahman Ehsan Dehlvi

---

---