abas DhunDa kiye hum na-KHudaon ko safinon mein
wo the aasuda-e-sahil mile sahil-nashinon mein

Abdul Rahman Bazmi

---

---

chhalak jati hai ashk-e-garm ban kar meri aankhon se
Thaharti hi nahin sahba-e-dard in aabginon mein

Abdul Rahman Bazmi

---

---

tha kisi gum-karda-e-manzil ka naqsh-e-be-sabaat
jis ko mir-e-karwan ka naqsh-e-pa samjha tha mein

Abdul Rahman Bazmi

---

---

andheri raat ko main roz-e-ishq samjha tha
charagh tu ne jalaya to dil bujha mera

Abdul Rahman Ehsan Dehlvi

---

---

aankhen meri phuTen teri aankhon ke baghair aah
gar main ne kabhi nargis-e-bimar ko dekha

Abdul Rahman Ehsan Dehlvi

---

---

aag is dil-lagi ko lag jae
dil-lagi aag phir lagane lagi

Abdul Rahman Ehsan Dehlvi

---

---

aah-e-pechan apni aisi hai ki jis ke pech ko
pechwan nicha bhi tera dekh kar KHam khae hai

Abdul Rahman Ehsan Dehlvi

---

---