ji chahta hai aaj 'adam' un ko chheDiye
Dar Dar ke pyar karne mein koi maza nahin

Abdul Hamid Adam

---

---

jin ko daulat haqir lagti hai
uf wo kitne amir hote hain

Abdul Hamid Adam

---

---

jin se insan ko pahunchti hai hamesha taklif
un ka dawa hai ki wo asl KHuda wale hain

Abdul Hamid Adam

---

---

jis se chhupna chahta hun main 'adam'
wo sitamgar ja-ba-ja maujud hai

Abdul Hamid Adam

---

---

jo akasr bar-war hone se pahle TuT jate the
wahi KHasta shikasta ahd-o-paiman yaad aate hain

Abdul Hamid Adam

---

---

junun ab manzilen tai kar raha hai
KHirad rasta dikha kar rah gai hai

Abdul Hamid Adam

---

---

kabhi to dair-o-haram se tu aaega wapas
main mai-kade mein tera intizar kar lunga

Abdul Hamid Adam

---

---