wo peD to nahin tha ki apni jagah rahe
hum shaKH to nahin the magar phir bhi kaT gae

Akhtar Hoshiyarpuri

---

---

wo shayad koi sachchi baat kah de
use phir bad-guman karna paDa hai

Akhtar Hoshiyarpuri

---

---

yahi din mein Dhalegi raat 'aKHtar'
yahi din ka ujala raat hoga

Akhtar Hoshiyarpuri

---

---

ye kahin umr-e-guzishta to nahin tum to nahin
koi phirta hai sar-e-shahr-e-wafa aawara

Akhtar Hoshiyarpuri

---

---

ye kya ki mujh ko chhupaya hai meri nazron se
kabhi to mujh ko mere samne bhi lae wo

Akhtar Hoshiyarpuri

---

---

ye sarguzisht-e-zamana ye dastan-e-hayat
adhuri baat mein bhi rah gai kami meri

Akhtar Hoshiyarpuri

---

---

zamana apni uryani pe KHun roega kab tak
hamein dekho ki apne aap ko oDhe hue hain

Akhtar Hoshiyarpuri

---

---