zindagi marg-e-talab tark-e-talab 'aKHtar' na thi
phir bhi apne tane-bane mein mujhe uljha gai

Akhtar Hoshiyarpuri

---

---

dil jahan baat kare dil hi jahan baat sune
kar-e-dushwar hai us tarz mein kahna achchha

Akhtar Husain Jafri

---

---

shaKH-e-tanhai se phir nikli bahaar-e-fasl-e-zat
apni surat par hue hum phir bahaal us ke liye

Akhtar Husain Jafri

---

---

tapish gulzar tak pahunchi lahu diwar tak aaya
charagh-e-KHud-kalami ka dhuan bazar tak aaya

Akhtar Husain Jafri

---

---

andheri raat ki parchhaiyon mein Dub gaya
sahar ki khoj mein jo bhi ufuq ke par gaya

Akhtar Imam Rizvi

---

---

aaKHiri did hai aao mil len
ranj be-kar hai kya hona hai

Akhtar Imam Rizvi

---

---

ab bhi aati hai teri yaad pa is karb ke sath
TuTti nind mein jaise koi sapna dekha

Akhtar Imam Rizvi

---

---