jalwa na ho mani ka to surat ka asar kya
bulbul gul-e-taswir ka shaida nahin hota

Akbar Allahabadi

---

---

jawani ki dua laDkon ko na-haq log dete hain
yahi laDke miTate hain jawani ko jawan ho ka

Akbar Allahabadi

---

---

jawani ki hai aamad sharm se jhuk sakti hain aankhen
magar sine ka fitna ruk nahin sakta ubharne se

Akbar Allahabadi

---

---

jis taraf uTh gai hain aahen hain
chashm-e-bad-dur kya nigahen hain

Akbar Allahabadi

---

---

jo waqt-e-KHatna main chiKHa to nai ne kaha hans kar
musalmani mein taqat KHun hi bahne se aati hai

Akbar Allahabadi

---

---

KHilaf-e-shara kabhi shaiKH thukta bhi nahin
magar andhere ujale mein cukta bhi nahin

Akbar Allahabadi

---

---

KHuda se mang jo kuchh mangna hai ai 'akbar'
yahi wo dar hai ki zillat nahin sawal ke baad

Akbar Allahabadi

---

---