kis naz se kahte hain wo jhunjhla ke shab-e-wasl
tum to hamein karwaT bhi badalne nahin dete

Akbar Allahabadi

---

---

kuchh allahabad mein saman nahin bahbud ke
yan dhara kya hai ba-juz akbar ke aur amrud ke

Akbar Allahabadi

---

---

kuchh nahin kar-e-falak hadsa-pashi ke siwa
falsafa kuchh nahin alfaz-tarashi ke siwa

Akbar Allahabadi

---

---

kuchh tarz-e-sitam bhi hai kuchh andaz-e-wafa bhi
khulta nahin haal un ki tabiat ka zara bhi

Akbar Allahabadi

---

---

kya hi rah rah ke tabiat meri ghabraati hai
maut aati hai shab-e-hijr na nind aati hai

Akbar Allahabadi

---

---

kya puchhte ho 'akbar'-e-shorida-sar ka haal
KHufiya police se puchh raha hai kamar ka haal

Akbar Allahabadi

---

---

kya wo KHwahish ki jise dil bhi samajhta ho haqir
aarzu wo hai jo sine mein rahe naz ke sath

Akbar Allahabadi

---

---