jam hai tauba-shikan tauba meri jam-shikan
samne Dher hain TuTe hue paimanon ke

Riyaz Khairabadi

---

---

jis din se haram ho gai hai
mai KHuld-maqam ho gai hai

Riyaz Khairabadi

---

---

kah ke main dil ki kahani kis qadar khoya gaya
hain fasanon par fasane mere afsane ke baad

Riyaz Khairabadi

---

---

kahan ye baat hasil hai teri masjid ko ai zahid
sahar hote jo hum ne dekhe hain jhurmuT shiwale mein

Riyaz Khairabadi

---

---

kahna kisi ka subh-e-shab-e-wasl naz se
hasrat tumhaari jaan hamari nikal gai

Riyaz Khairabadi

---

---

kahti hai ai 'riyaz' daraazi ye rish ki
TaTTi ki aaD mein hai maza kuchh shikar ka

Riyaz Khairabadi

---

---

kali chaman mein khili to mujhe KHayal aaya
kisi ke band-e-qaba ki girah khuli hogi

Riyaz Khairabadi

---

---