kuchh bhi ho 'riyaz' aankh mein aansu nahin aate
mujh ko to kisi baat ka ab gham nahin hota
Riyaz Khairabadi
kya maza deti hai bijli ki chamak mujh ko 'riyaz'
mujh se lipTe hain mere nam se Darne wale
Riyaz Khairabadi
kya sharab-e-nab ne pasti se paya hai uruj
sar chaDhi hai halq se niche utar jaane ke baad
Riyaz Khairabadi
lab-e-mai-gun ka taqaza hai ki jina hoga
aankh kahti hai tujhe zahr bhi pina hoga
Riyaz Khairabadi
luT gai shab ko do shai jis ko chhupate the bahut
in hasinon se koi puchhe ki kya jata raha
Riyaz Khairabadi
mai-KHane mein kyun yaad-e-KHuda hoti hai aksar
masjid mein to zikr-e-mai-o-mina nahin hota
Riyaz Khairabadi
mai-KHane mein kyun yaad-e-KHuda hoti hai aksar
masjid mein to zikr-e-mai-o-mina nahin hota
Riyaz Khairabadi

