ye meri tamanna hai pyason ke main kaam aaun
yarab meri miTTi ko paimana bana dena

Raaz Allahabadi

---

---

har ek shikast-e-tamanna pe muskuraate hain
wo kya karen jo musalsal fareb khate hain

Raaz Muradabadi

---

---

kisi ke wada-e-sabr-azma ki KHair ki hum
ab e'tibar ki had se guzarte jate hain

Raaz Muradabadi

---

---

ang-o-bu ke parde mein kaun ye KHiraman hai
har nafas moattar hai har nazar ghazal-KHwan hai

Raaz Muradabadi

---

---

agar gunah ke qisse bhi kah diye tujh se
gunahgar ko yarab sawab kya hoga

Raaz Yazdani

---

---

saza ke jhelne wale ye sochna hai gunah
koi qusur bhi tujh se kabhi hua ki nahin

Raaz Yazdani

---

---

Thahar ke panw ke kaTe nikalne wale
ye hosh hai to junun kaamyab kya hoga

Raaz Yazdani

---

---