Thahar ke talwon se kanTe nikalne wale
ye hosh hai to junun kaamyab kya hoga

Raaz Yazdani

---

---

wo samne sar-e-manzil charagh jalte hain
jawab panw na dete to main kahan hota

Raaz Yazdani

---

---

tum ne hanste mujhe dekha hai tumhein kya malum
karni paDti hai ada kitni hansi ki qimat

Raees Rampuri

---

---

waraq waraq tujhe tahrir karta rahta hun
main zindagi teri tashhir karta rahta hun

Raeesuddin Raees

---

---

aaine ko toDa hai to malum hua hai
guzra hun kisi dasht-e-KHatarnak se aage

Rafi Raza

---

---

dhup chhanw ka koi khel hai binai bhi
aankh ko DhunD ke laya hun to manzar gum hai

Rafi Raza

---

---

ek din apna sahifa mujh pe nazil ho gaya
us ko paDhte hi meri sari KHataen mar gain

Rafi Raza

---

---