dil wo kafir hai ki mujh ko na diya chain kabhi
bewafa tu bhi ise le ke pasheman hoga

Qurban Ali Salik Beg

---

---

sayyaad aur qaid-e-qafas se kare raha
jhuTi KHabar kisi ki uDai hui si hai

Qurban Ali Salik Beg

---

---

tang-dasti agar na ho 'salik'
tandurusti hazar neamat hai

Qurban Ali Salik Beg

---

---

pi sharab nam-e-rindan ta asar sun kaif ke
zikr-e-allah allah ho we gar kahe tu ram ram

Qurbi Velori

---

---

aashiyan jal gaya gulsitan luT gaya hum qafas se nikal kar kidhar jaenge
itne manus sayyaad se ho gae ab rihai milegi to mar jaenge

Raaz Allahabadi

---

---

ashk-e-gham le ke aaKHir kidhar jaen hum aansuon ki yahan koi qimat nahin
aap hi apna daman baDha dijiye warna moti zamin par bikhar jaenge

Raaz Allahabadi

---

---

umr jun jun baDhti hai dil jawan hota hai
'raaz' ye hasin ghazlen in safed baalon mein

Raaz Allahabadi

---

---