afsurda-dil ke waste kya chandni ka lutf
lipTa paDa hai murda sa goya kafan ke sath

Qadr Bilgarami

---

---

luT gae ek hi angDai mein aisa bhi hua
umr-bhar phirte rahe ban ke jo hoshiyar bahut

Qais Rampuri

---

---

ab to ruswaiyan yaqini hain
un ke lab par mera fasana hai

Qaisar Nizami

---

---

KHizan ki zad mein hi ab tak tera gulistan tha
hamin ne aa ke bahaaron ko zindagi baKHshi

Qaisar Nizami

---

---

tamam umr rahe mera muntazir tu bhi
tamam umr mere intizar ko tarse

Qaisar Nizami

---

---

tere baghair tere intizar se thak kar
shab-e-firaq ke maron ko nind aai hai

Qaisar Nizami

---

---

tu sarapa nur hai main tera aks-e-KHas hun
kah rahe hain yun tera sab aaina-KHana mujhe

Qaisar Nizami

---

---