hum ne us ke lab o ruKHsar ko chhu kar dekha
hausle aag ko gulzar bana dete hain

Qabil Ajmeri

---

---

kaun yaad aa gaya azan ke waqt
bujhta jata hai dil charagh jale

Qabil Ajmeri

---

---

KHud tumhein chaak-e-gareban ka shuur aa jaega
tum wahan tak aa to jao hum jahan tak aa gae

Qabil Ajmeri

---

---

kitne shorida-sar mohabbat mein
ho gae kucha-e-sanam ki KHak

Qabil Ajmeri

---

---

koi diwana chahe bhi to laghzish kar nahin sakta
tere kuche mein panw laDkhaDana bhul jate hain

Qabil Ajmeri

---

---

kuchh aur baDh gai hai andheron ki zindagi
yun bhi hua hai jashn-e-charaghan kabhi kabhi

Qabil Ajmeri

---

---

kuchh der kisi zulf ke sae mein Thahar jaen
'qabil' gham-e-dauran ki abhi dhup kaDi hai

Qabil Ajmeri

---

---