dosto jashn manao ki bahaar aai hai
phul girte hain har ek shaKH se aansu ki tarah

Obaidullah Aleem

---

---

dua karo ki main us ke liye dua ho jaun
wo ek shaKHs jo dil ko dua sa lagta hai

Obaidullah Aleem

---

---

ek chehre mein to mumkin nahin itne chehre
kis se karte jo koi ishq dobara karte

Obaidullah Aleem

---

---

hae wo log gae chand se milne aur phir
apne hi TuTe hue KHwab uTha kar le aae

Obaidullah Aleem

---

---

hawa ke dosh pe rakkhe hue charagh hain hum
jo bujh gae to hawa se shikayaten kaisi

Obaidullah Aleem

---

---

hazar rah chale phir wo rahguzar aai
ki ek safar mein rahe aur har safar se gae

Obaidullah Aleem

---

---

hazar tarah ke sadme uThane wale log
na jaane kya hua ek aan mein bikhar se gae

Obaidullah Aleem

---

---