din ko ruKHsat kiya bahane se
raat thi wo mere sitare ki

Nomaan Shauque

---

---

dur jitna bhi chala jae magar
chand tujh sa to nahin ho sakta

Nomaan Shauque

---

---

ek din donon ne apni haar mani ek sath
ek din jis se jhagaDte the usi ke ho gae

Nomaan Shauque

---

---

ek karwaT pe raat kya kaTti
hum ne ijad ki nai duniya

Nomaan Shauque

---

---

falak ka thaal hi hum ne ulaT Dala zamin par
tumhaari tarh ka koi sitara DhunDne mein

Nomaan Shauque

---

---

faqir log rahe apne apne haal mein mast
nahin to shahr ka naqsha badal chuka hota

Nomaan Shauque

---

---

gham is qadar nahin the Dhale jitne sher mein
daulat banai KHub mata-e-qalil se

Nomaan Shauque

---

---