ishq ka matlab kise malum tha
jin dinon aae the hum dil haar ke

Nomaan Shauque

---

---

ishq kya hai KHubsurat si koi afwah bas
wo bhi mere aur tumhaare darmiyan uDti hui

Nomaan Shauque

---

---

ishq mein sachcha tha wo meri tarah
bewafa to aazmane se hua

Nomaan Shauque

---

---

itni tazim hui shahr mein uryani ki
raat aankhon ne bhi ji bhar ke badan-KHwani ki

Nomaan Shauque

---

---

jaane kis ummid pe chhoD aae the ghar-bar log
nafraton ki sham yaad aae purane yar log

Nomaan Shauque

---

---

jaan-e-jaan mayus mat ho haalat-e-bazar se
shayad agle sal tak diwana-pan milne lage

Nomaan Shauque

---

---

jizya wasul kijiye ya shahr ujaDiye
ab to KHuda bhi aap ki marzi ka ho gaya

Nomaan Shauque

---

---