ye bhi naya sitam hai hina to lagaen ghair
aur us ki dad chahen wo mujh ko dikha ke hath

Nizam Rampuri

---

---

ye din to sarf aap ke wadon mein ho gae
ab din naya nikaliye iqrar ke liye

Nizam Rampuri

---

---

ye hawa sard chali aur ye baadal aae
kaho saqi se ki saghar chale botal aae

Nizam Rampuri

---

---

yun to ruThe hain magar logon se
puchhte haal hain aksar mera

Nizam Rampuri

---

---

zid hai gar hai to ho sabhi ke sath
ya na milne ki zid mujhi se hai

Nizam Rampuri

---

---

aaine ka samna achchha nahin hai bar bar
ek din apni hi aankhon mein khaTak sakta hun main

Nomaan Shauque

---

---

aankh khul jae to ghar matam-kada ban jaega
chal rahi hai sans jab tak chal raha hun nind mein

Nomaan Shauque

---

---