apne chehre se jo zulfon ko haTaya us ne
dekh li sham ne tabinda sahar ki surat

Aatish Bahawalpuri

---

---

chaarasazon ki chaara-sazi se
aur bimar ki dasha bigDi

Aatish Bahawalpuri

---

---

dar-haqiqat ittisal-e-jism-o-jaan hai zindagi
ye haqiqat hai ki arbab-e-himam ke waste

Aatish Bahawalpuri

---

---

gham-o-alam bhi hain tum se KHushi bhi tum se hai
nawa-e-soz mein tum ho sada-e-saz mein tum

Aatish Bahawalpuri

---

---

gila mujh se tha ya meri wafa se
meri mahfil se kyun barham gae wo

Aatish Bahawalpuri

---

---

jo chahte ho badalna mizaj-e-tufan ko
to naKHuda pe bharosa karo KHuda ki tarah

Aatish Bahawalpuri

---

---

KHugar-e-lazzat-e-azar tha itna 'atish'
dard bhi manga to pahle se siwa manga tha

Aatish Bahawalpuri

---

---