ye sara qaziya to hum se hai is se tum ko kya
tum apne ek taraf ho raho hua so hawa

nayan sukh

---

---

maut se aage tak ke manzar dekhe hain
tanhai se yunhi Dar nahin jata main

Nayeem Gilani

---

---

utni der sameTun sare dukh tere
jitni der ai dost bikhar nahin jata main

Nayeem Gilani

---

---

aDhne lagi yaqin o guman mein jo kashmakash
wada bhi subh o sham pe Talta chala gaya

Nayyar Sultanpuri

---

---

di hai 'nayyar' mujh ko saqi ne ye kaisi KHas mai
sab ki nazren uTh rahi hain mere saghar ki taraf

Nayyar Sultanpuri

---

---

pahuncha na tha yaqin ki manzil pe main abhi
mera KHayal mujh se bhi aage nikal gaya

Nayyar Sultanpuri

---

---

sine pe kitne dagh liye phir raha hun main
zaKHmon ka ek bagh liye phir raha hun main

Nayyar Sultanpuri

---

---