jab bhi lauTa ganw ke bazar se
mujh ko sab bachchon ne dekha pyar se

Nawab Ahsan

---

---

KHauf-o-dahshat se lab nahin khulte
warna qatil meri nigah mein hai

Nawab Ahsan

---

---

shab-e-firaq ki tanhaiyon mein tera KHayal
mere wajud se karta raha juda mujh ko

Nawab Ahsan

---

---

us ne to chhina tha mere jism se mera libas
jab pahan kar us ne dekha to qaba Dhili mili

Nawab Ahsan

---

---

ehsas mujh ko itna bhi ab to nahin 'nawab'
main ji raha hun aaj bhi ki mar gaya hun main

Nawab Shahabadi

---

---

jaane kyun dozaKH se bad-tar ho gae haalat aaj
rashk-e-jannat kal talak hindostan mera bhi tha

Nawab Shahabadi

---

---

huke bachchon ki tasalli ke liye
man ne phir pani pakaya der tak

Nawaz Deobandi

---

---