ibtida se aaj tak 'natiq' ki ye hai sarguzisht
pahle chup tha phir hua diwana ab behosh hai

Natiq Lakhnavi

---

---

ek dagh-e-dil ne mujh ko diye be-shumar dagh
paida hue hazar charagh is charagh se

Natiq Lakhnavi

---

---

meri jaanib se un ke dil mein kis shikwe pe kina hai
wo shikwa jo zaban par kya abhi dil mein nahin aaya

Natiq Lakhnavi

---

---

mohabbat-ashna dil mazhab-o-millat ko kya jaane
hui raushan jahan bhi shama parwana wahin aaya

Natiq Lakhnavi

---

---

un ke lab par zikr aaya be-hijabana mera
manzil-e-takmil tak pahuncha ab afsana mera

Natiq Lakhnavi

---

---

aabaadiyon mein dasht ka manzar bhi aaega
guzroge shahr se to mera ghar bhi aaega

Naushad Ali

---

---

ek be-qarar dil se mulaqat kijiye
jab mil gae hain aap to kuchh baat kijiye

Naushad Ali

---

---