naz udhar dil ko uDa lene ki ghaton mein raha
main idhar chashm-e-suKHan-go teri baaton mein raha

Natiq Gulavthi

---

---

nazar aata nahin ab ghar mein wo bhi uf re tanhai
ek aaine mein pahle aadmi tha meri surat ka

Natiq Gulavthi

---

---

paband-e-dair ho ke bhi bhule nahin hain ghar
masjid mein ja nikalte hain chori-chhupi se hum

Natiq Gulavthi

---

---

pahli baaten hain na pahle ki mulaqaten hain
ab dinon mein wo raha lutf na raaton mein raha

Natiq Gulavthi

---

---

pahunchaega nahin tu Thikane lagaega
ab us gali mein ghair ko rahbar banaenge

Natiq Gulavthi

---

---

phir chaak-damani ki hamein qadr kyun na ho
jab aur dusra nahin koi libas pas

Natiq Gulavthi

---

---

ah ke achchha bhi kuchh bhala na hua
main bura ho gaya bura na hua

Natiq Gulavthi

---

---