kar murattab kuchh nae andaz se apna bayan
marne wale zindagi chahe to afsane mein aa

Natiq Gulavthi

---

---

kashti hai ghaT par tu chale kyun na dur aaj
kal bas chale chale na chale chal uTha to la

Natiq Gulavthi

---

---

kaun is rang se jame se hua tha bahar
kis se sikha teri talwar ne uryan hona

Natiq Gulavthi

---

---

kha gai ahl-e-hawas ki waza ahl-e-ishq ko
baat kis ki rah gai koi adu sachcha na hum

Natiq Gulavthi

---

---

khaiye ye zahar kab tak khae jati hai ye zist
ai ajal kab tak rahenge rahn-e-ab-o-dana hum

Natiq Gulavthi

---

---

KHatm karna chahta hun pech-o-tab-e-zindagi
yaad-e-gesu zor-e-bazu ban mere shane mein aa

Natiq Gulavthi

---

---

kho diya shohrat ne apni sher-KHwani ka maza
dad mil jati hai 'natiq' har ratab yabis ke baad

Natiq Gulavthi

---

---