dard ki lahr mein zindagi bah gai
umr yun kaT gai hijr ki sham mein

Najma Shaheen Khosa

---

---

zamin panw tale hai na aasman sar par
paDe hain ghar mein kai log be-gharon ki tarah

Najmi Siddiqui

---

---

adan ko jaan se juda ho ke zinda rahna hai
ye faisla hai fana ho ke zinda rahna hai

Najmus Saqib

---

---

dil ko aaj tasalli main ne de Dali
wo sachcha tha us ke wade jhuTe the

Najmus Saqib

---

---

dukh-bhara shahr ka manzar kabhi tabdil bhi ho
dard ko had se guzarte koi kab tak dekhe

Najmus Saqib

---

---

hunuz raat hai jalna paDega us ko bhi
ki mere sath pighalna paDega us ko bhi

Najmus Saqib

---

---

kabhi na TuTne wala hisar ban jaun
wo meri zat mein rahne ka faisla to kare

Najmus Saqib

---

---