hum mein aur parindon mein farq sirf itna hai
dast-o-pa mile hum ko baal-o-par parindon ko

Mustafa Shahab

---

---

haqiqat ko tamashe se juda karne ki KHatir
uTha kar barha parda girana paD gaya hai

Mustafa Shahab

---

---

hote hote main pahunch jata hun apne aap tak
is se aage aur koi rasta jata nahin

Mustafa Shahab

---

---

is tarah saja rakkhe hain main ne dar-o-diwar
ghar mein teri surat ke siwa kuchh bhi nahin hai

Mustafa Shahab

---

---

istiare zamin se jaen
ek ghazal aasman se utre

Mustafa Shahab

---

---

kar-e-zindagani ke shor-o-shar mein muddat se
us ko bhul jaane ka ehtimal rahta hai

Mustafa Shahab

---

---

kaha tha main ne kho kar bhi tujhe zinda rahunga
wo aisa jhuT tha jis ko nibhana paD gaya hai

Mustafa Shahab

---

---