makan hai qabr jise log KHud banate hain
main apne ghar mein hun ya main kisi mazar mein hun

Muneer Niyazi

---

---

makan-e-zar lab-e-goya had-e-sipehr-o-zamin
dikhai deta hai sab kuchh yahan KHuda ke siwa

Muneer Niyazi

---

---

meri sari zindagi ko be-samar us ne kiya
umr meri thi magar us ko basar us ne kiya

Muneer Niyazi

---

---

milti nahin panah hamein jis zamin par
ek hashr us zamin pe uTha dena chahiye

Muneer Niyazi

---

---

mere pas aisa tilism hai jo kai zamanon ka ism hai
use jab bhi socha bula liya use jo bhi chaha bana diya

Muneer Niyazi

---

---

mohabbat ab nahin hogi ye kuchh din baad mein hogi
guzar jaenge jab ye din ye un ki yaad mein hogi

Muneer Niyazi

---

---

muddat ke baad aaj use dekh kar 'munir'
ek bar dil to dhaDka magar phir sambhal gaya

Muneer Niyazi

---

---