mujh se bahut qarib hai tu phir bhi ai 'munir'
parda sa koi mere tere darmiyan to hai

Muneer Niyazi

---

---

'munir' achchha nahin lagta ye tera
kisi ke hijr mein bimar hona

Muneer Niyazi

---

---

'munir' is KHubsurat zindagi ko
hamesha ek sa hona nahin hai

Muneer Niyazi

---

---

'munir' is mulk par aaseb ka saya hai ya kya hai
ki harkat tez-tar hai aur safar aahista aahista

Muneer Niyazi

---

---

nind ka halka gulabi sa KHumar aankhon mein tha
yun laga jaise wo shab ko der tak soya nahin

Muneer Niyazi

---

---

puchhte hain ki kya hua dil ko
husn walon ki sadgi na gai

Muneer Niyazi

---

---

qaba-e-zard pahan kar wo bazm mein aaya
gul-e-hina ko hatheli mein tham kar baiTha

Muneer Niyazi

---

---