khaDa hun zer-e-falak gumbad-e-sada mein 'munir'
ki jaise hath uTha ho koi dua ke liye

Muneer Niyazi

---

---

KHayal jis ka tha mujhe KHayal mein mila mujhe
sawal ka jawab bhi sawal mein mila mujhe

Muneer Niyazi

---

---

KHushbu ki diwar ke pichhe kaise kaise rang jame hain
jab tak din ka suraj aae us ka khoj lagate rahna

Muneer Niyazi

---

---

KHwab hote hain dekhne ke liye
un mein ja kar magar raha na karo

Muneer Niyazi

---

---

KHwahishen hain ghar se bahar dur jaane ki bahut
shauq lekin dil mein wapas lauT kar aane ka tha

Muneer Niyazi

---

---

kisi akeli sham ki chup mein
git purane ga ke dekho

Muneer Niyazi

---

---

kisi ko apne amal ka hisab kya dete
sawal sare ghalat the jawab kya dete

Muneer Niyazi

---

---