hasti hi apni kya hai zamane ke samne
ek KHwab hain jahan mein bikhar jaen hum to kya

Muneer Niyazi

---

---

hun makan mein band jaise imtihan mein aadmi
saKHti-e-diwar-o-dar hai jhelta jata hun main

Muneer Niyazi

---

---

ek aur dariya ka samna tha 'munir' mujh ko
main ek dariya ke par utra to main ne dekha

Muneer Niyazi

---

---

ek tez rad jaisi sada har makan mein
logon ko un ke ghar mein Dara dena chahiye

Muneer Niyazi

---

---

imtihan hum ne diye is dar-e-fani mein bahut
ranj khinche hum ne apni la-makani mein bahut

Muneer Niyazi

---

---

jangalon mein koi pichhe se bulae to 'munir'
muD ke raste mein kabhi us ki taraf mat dekho

Muneer Niyazi

---

---

jaanta hun ek aise shaKHs ko main bhi 'munir'
gham se patthar ho gaya lekin kabhi roya nahin

Muneer Niyazi

---

---