jaante the donon hum us ko nibha sakte nahin
us ne wada kar liya main ne bhi wada kar liya

Muneer Niyazi

---

---

jab safar se lauT kar aae to kitna dukh hua
is purane baam par wo surat-e-zeba na thi

Muneer Niyazi

---

---

ji KHush hua hai girte makanon ko dekh kar
ye shahr KHauf-e-KHud se jigar-chaak to hua

Muneer Niyazi

---

---

jin ke hone se hum bhi hain ai dil
shahr mein hain wo suraten baqi

Muneer Niyazi

---

---

jurm aadam ne kiya aur nasl-e-adam ko saza
kaTta hun zindagi bhar main ne jo boya nahin

Muneer Niyazi

---

---

kal main ne us ko dekha to dekha nahin gaya
mujh se bichhaD ke wo bhi bahut gham se chur tha

Muneer Niyazi

---

---

kaTi hai jis ke KHayalon mein umr apni 'munir'
maza to jab hai ki us shoKH ko pata hi na ho

Muneer Niyazi

---

---