tez rakhiyo sar-e-har-KHar ko ai dasht-e-junun
shayad aa jae koi aabla-pa mere baad

Munawar Khan Ghafil

---

---

wasl mein bhi nahin majal-e-suKHan
is rasai pe na-rasa hain hum

Munawar Khan Ghafil

---

---

wo aaina-tan aaina phir kis liye dekhe
jo dekh le munh apna har ek uzw-e-badan mein

Munawar Khan Ghafil

---

---

wo hawa-KHwah-e-chaman hun ki chaman mein har subh
pahle main aata hun aur baad-e-saba mere baad

Munawar Khan Ghafil

---

---

wo subah ko is Dar se nahin baam par aata
nama na koi bandh de suraj ki kiran mein

Munawar Khan Ghafil

---

---

zulf-e-pur-pech ke saude mein ajab kya imkan
gar ulajh jae KHaridar KHaridar ke sath

Munawar Khan Ghafil

---

---

aate hain jaise jaise bichhaDne ke din qarib
lagta hai jaise rail se kaTne laga hun main

Munawwar Rana

---

---