islam ka subut hai ai shaiKH kufr se
tasbih TuT jae jo zunnar TuT jae

Munawar Khan Ghafil

---

---

ji mein aata hai mai-kashi kije
tak kar koi saya-dar daraKHt

Munawar Khan Ghafil

---

---

kaun dariya-e-mohabbat se utar sakta hai par
kashti-e-farhad aaKHir koh se Takra gai

Munawar Khan Ghafil

---

---

KHat-nawesi ye hai to mushtaqo
hath ek din qalam tumhaare hain

Munawar Khan Ghafil

---

---

kucha-e-jaanan main yaro kaun sunta hai meri
mujh se wan phirte hain lakhon dad aur be-dad mein

Munawar Khan Ghafil

---

---

kya KHabar hai hum se mahjuron ki un ko roz-e-id
jo gale mil kar baham sarf-e-mubarakbaad hain

Munawar Khan Ghafil

---

---

lailatul-qadr hai har shab use har roz hai id
jis ne mai-KHane mein mah-e-ramazan dekha hai

Munawar Khan Ghafil

---

---