sahra-pasand ho ke simaTne laga hun main
andar se lag raha hai ki baTne laga hun main
kya phir kisi safar pe nikalna hai ab mujhe
diwar-o-dar se kyun ye lipaTne laga hun main
aate hain jaise jaise bichhaDne ke din qarib
lagta hai jaise rail se kaTne laga hun main
kya mujh mein ehtijaj ki taqat nahin rahi
pichhe ki samt kis liye haTne laga hun main
phir sari umr chand ne rakkha mera KHayal
ek roz kah diya tha ki ghaTne laga hun main
Ghazal
Sahra-pasand ho ke simaTne laga hun main
Munawwar Rana