na jaane kab nigah-e-baghban badal jae
har aan phulon ko dhaDka laga sa rahta hai

Mumtaz Mirza

---

---

aat kaTe nahin kaTti hai kisi surat se
din to duniya ke bakheDon mein guzar jata hai

Mumtaz Mirza

---

---

aa ke sajjada-nashin qais hua mere baad
na rahi dasht mein KHali meri ja mere baad

Munawar Khan Ghafil

---

---

aae kabhi to dasht se wo shahar ki taraf
majnun ke panw mein jo na zanjir-e-jada ho

Munawar Khan Ghafil

---

---

aashiq ko na le jae KHuda aisi gali mein
jhanke na jahan rauzan-e-diwar se koi

Munawar Khan Ghafil

---

---

agar uryani-e-majnun pe aata rahm laila ko
bana deti qaba wo chaak kar ke parda mahmil ka

Munawar Khan Ghafil

---

---

apne majnun ki zara dekh to be-parwai
pairahan chaak hai aur fikr silane ki nahin

Munawar Khan Ghafil

---

---