hum zabt ki tariKH ke hain bab 'rashidi'
hum zabt ki tariKH mein pinhan nahin hote

Moid Rashidi

---

---

isi jawab ke raste sawal aate hain
isi sawal mein sara jawab Thahra hai

Moid Rashidi

---

---

KHwab mein toDta rahta hun ana ki zanjir
aankh khulti hai to diwar nikal aati hai

Moid Rashidi

---

---

koi aata hai ya nahin aata
aaj KHud ko pukar kar dekhen

Moid Rashidi

---

---

sulagti dhup mein jal kar faqir-e-shab teri KHak
kyun KHan-qah-e-shab-e-be-karan main baiTh gai

Moid Rashidi

---

---

tu mujhe zahr pilati hai ye tera shewa
ai meri raat tujhe KHun pilaya main ne

Moid Rashidi

---

---

us bar ujalon ne mujhe gher liya tha
is bar meri raat mere sath chali hai

Moid Rashidi

---

---