libas badle nahin hum ne mausamon ki tarah
ki zeb-e-tan jo kiya ek hi labaada kiya

Mohsin Zaidi

---

---

sunte hain ki aabaad yahan tha koi kumba
aasar bhi kahte hain yahan par koi ghar tha

Mohsin Zaidi

---

---

ye zulm dekhiye ki gharon mein lagi hai aag
aur hukm hai makin nikal kar na ghar se aaen

Mohsin Zaidi

---

---

aankhon mein shab utar gai KHwabon ka silsila raha
main KHud ko dekhta raha main KHud ko sochta raha

Moid Rashidi

---

---

ab is se pahle ki ruswai apne ghar aati
tumhaare shahr se hum ba-adab nikal aae

Moid Rashidi

---

---

ai aql nahin aaenge baaton mein teri hum
nadan the nadan hain nadan rahenge

Moid Rashidi

---

---

ek hangama shab-o-roz bapa rahta hai
KHana-e-dil mein nihan jaise KHuda rahta hai

Moid Rashidi

---

---