na intizar karo kal ka aaj darj karo
KHamoshi toD do aur ehtijaj darj karo

Mirza Athar Zia

---

---

tamam shahr mein bikhra paDa hai mera wajud
koi batae bhala kis tarah chunun KHud ko

Mirza Athar Zia

---

---

teri dahliz pe iqrar ki ummid liye
phir khaDe hain tere inkar ke mare hue log

Mirza Athar Zia

---

---

tu ne ai waqt palaT kar bhi kabhi dekha hai
kaise hain sab teri raftar ke mare hue log

Mirza Athar Zia

---

---

shah-zor apne zor mein girta hai misl-e-barq
wo tifl kya girega jo ghuTnon ke bal chale

Mirza Azeem Beg

---

---

ai musawwir shitab ho ki abhi
us ka naqsha dhiyan mein kuchh hai

Mirza Azfari

---

---

'azfari' ghuncha-e-dil band aur aai hai bahaar
sair-e-gul ko ki ye shayad ba-takalluf khil le

Mirza Azfari

---

---