sada chaman se jo aati hai roz chaT chaT ki
balaen ghunche teri subh o sham lete hain

Mirza Asman Jah Anjum

---

---

shab-e-hijr jab KHwab dekha ye dekha
ki tujh ko gale se lagae hue hain

Mirza Asman Jah Anjum

---

---

teri marzi gar isi mein hai ki ho didar-e-am
hum ne aankhon par qadam sare zamane ke liye

Mirza Asman Jah Anjum

---

---

thak gae hum to fusun-saziyan karte karte
us pe chalta nahin mutlaq koi ganDa tawiz

Mirza Asman Jah Anjum

---

---

teri tegh ki aab jati rahi hai
mere zaKHm pani churae hue hain

Mirza Asman Jah Anjum

---

---

un ke aane mein kyun KHalal Dala
satyanas ho tera badli

Mirza Asman Jah Anjum

---

---

unhen haal-e-dil kis tarah likh ke bhejen
na hum un se waqif na wo hum se waqif

Mirza Asman Jah Anjum

---

---